Фэйсбүүк хаагдсан хэдхэн цагийн дотор Марк Зукерберг $6 тэрбумын алдагдал хүлээлээ

 

Фэйсбүүк, Инстаграм, WhatsApp зэрэг нийгмийн сүлжээний үйлчилгээ зогссон хэдхэн цагийн дотор Фэйсбүүк Инк компанийн гүйцэтгэх захирал Марк Зукерберг 6 тэрбум долларын алдагдал хүлээжээ. Ингэснээр тэрээр дэлхийн тэргүүн баячуудын жагсаалтад нэг байр ухарсан байна.

Даваа гарагт тус компанийн хувьцаа 4,9 хувиар унаж, есдүгээр сарын дунд үеэс хойш ойролцоогоор 15 хувиар буурчээ. Хувьцааны ханш унаснаар Марк Зукербергийн хөрөнгийн хэмжээ 121,6 тэрбум доллар болтлоо унаж, Билл Гэйтсийн дараа тавдугаарт бичигдэх болсон байна. 

Фэйсбүүк Инк компани тус нийгмийн сүлжээгээр  бизнесээ явуулдаг хүмүүс болон ААН-үүдээс хүлцэл өчсөн байна. 

Эх сурвалж: Bloomberg